Möndlustöng

Hrástangir sem ekki þarf að baka.

Uppskrift að orkustöng sem þú veist 100% hvað inniheldur.

Þurrefni

• 1 bolli möndlur

• 1 bolli haframjöl (flögur)

• ½ bolli kókosmjöl

• ½ bolli graskersfræ

• ½ bolli sólblómafræ

• ½ bolli gojiber

• ¼ bolli kakóníbur

Karamellan

• 1 msk tahini

• ½ bolli döðlur, taka stein

• ¼ bolli kókosolíu

• ½ bolli hlynsýróp

Aðferð

1. Setjið möndlur, haframjöl, kókosmjöl, graskersfræ og sólblómafræ í matvinnsluvél og hakkið gróflega. Gott að geyma eina matskeið af hverju til að setja úti eftirá ef þú vilt hafa áferðina grófa. Setjið í stóra skál og bætið við gojiber og kakóníbur, hrærið lauslega saman.

2. Blandið sama öllum innihaldsefnum í karamellunni, best að nota matvinnsluvél eða töfrasprota. Setjið karamelluna út í þurrefnin, best að nota fingur til að blanda saman. Þetta verður nokkuð klístrað.

3. Settu bökunarpapír á ofnskúffu. Helltu síðan blöndunni á papírinn og ýttu á til að þétta og móta. Blandan ætti að vera um 2 cm á þykkt.

4. Setjið í ísskáp í um klukkutíma. Skerið í stangir í þeirri stærð sem hentar. Best að geyma í ískáp.

Verði ykkur að góðu.

#uppskrift