Indverskt rauðlinsu Dhal

Uppskriftin er glútenlaus, vegan, prótenrík og dugar fyrir 6 manns.

Það sem þarf er:

  • 1 stór gulur laukur eða 2 minni

  • 350 g rauðar linsur frá Saltå Kvarn

  • 3 stórir plómutómatar frá Akri

  • 1 msk karrí

  • 1 tsk turmerik

  • 1 tsk cumin (broddkúmen)

  • 1 tsk malaður chili frá Akri

  • 3 hvítlauksgeirar, kreistir eða fínsaxaðir

  • 2 cm ferskur engifer, hakkaður

  • Salt og pipar eftir smekk

  • Kókosolía til steikingar

  • 400 ml kókosmjólk

  • 50-100 ml vatn (ef þurfa þykir)

  • 10 perlutómatar frá Akri, skornir í tvennt

Aðferð:

Leggið linsurnar í bleyti í 15 mín.

Gott að taka til innihaldsefnin á meðan.

Saxið laukinn, hitið kókosolíu á stóra pönnu (eða góðan pott) og setjið laukinn úti.

Setjið karrí, turmerik, cumin, chili, hvítlauk og engifer yfir laukin og steikið saman, þar til laukur er mjúkur.

Saxið plómutómatana og setið úti. Látið tómatana verða mjúka, tekur um 3-5 mínútur. Nú er komin tími til að setja rauðu linsurnar úti. Hellið vatnið af þeim og hrærið þeim varlega saman við laukblönduna. Bætið út í  kókosmjólkina og perlutómatana. Látið suðuna koma upp, lækkið þá hitan, setið lok á pönnuna og látið malla í allavegana 15 mínútur.

 

Það er í lagi að láta Dhal malla lengur, passið bara að hafa lágan hita og hræra varlega í annars lagið. Ef rétturinn stefnir í að verða of þurr er hægt að bæta við vatn eða kókosmjólk til að fá þá áferð sem æskileg er.

 

Það er gott að bera fram réttinn með vefjum og basilolíu. Uppskriftin að vefjunum hér fyrir neðan er með glúten. Einnig er gott að hafa AB-mjólk eða grískt jógúrt með réttinum.

 

Vefjur með hvítlauk og sesamfræjum

Uppskriftin er vegan og gerir 6-8 vefjur

Innihaldsefni:

  • 5 dl spelt frá Saltå Kvarn, gróft eða fínt

  • 1/2 ólífuolía

  • 2 hvítlauksgeirar, kreistir eða fínsaxaðir

  • 100-150 ml heitt vatn

  • 1/2 dl sesamfræ frá Saltå Kvarn

  • Sjávarsalt

Aðferð:

Blandið saman öllum innihaldsefni þar til það er mjúkt og slétt viðkomu. Setjið fyrst 100 ml af heitu vatni og bætið við ef þörf þykir.

Það er ágætt að láta deigið standa í 15 mínútur áður en byrjað er að fletja út.

Rúllið deiginu út í pulsu og skiptið því í 6-8 hluta, allt eftir hversu stórar vefjurnar eiga að vera.

Hitið pönnu en ekki nota olíu, vefjurnar eru þurrsteiktar.

Fletjið út í þunnar pönnukökur og setjið á heita pönnu, látið steikjast í skamma stund og snúið svo vefjunni við.

Þegar búið er að steikja vefjurnar er ágætt að skera þær í 4-6 hluta.

 

Basilolía

Gott að setja basilolíu yfir réttinn og einnig á vefjurnar

Innihaldsefni:

  • 2-3 dl olífuolía, classic, frá Saltå Kvarn
  • 20 gr fersk basil frá Akri

Blandið saman með töfrasprota.

Gott að geyma olíuna í glerflösku og nota áfram í eða á aðra rétti.

Ekki geyma olíuna í ískáp.

 

 

Please reload

Fréttaveita

Vikulegir kassar - Pökkunarlisti v.05

January 31, 2019

1/10
Please reload

Síðustu póstar

April 11, 2017

Please reload

Samansafn
Please reload