Weleda


Hjá Bændum í bænum færð þú vörur frá Weleda, en hvað er svona sérstakt við þetta fyrirtæki og vörurnar sem þeir framleiða? Hér er smá samantekt til fræðslu.

Weleda var stofnað í Sviss árið 1921 af efnafræðingnum Oskar Scmiedel ásamt Dr. Wegman og Dr. Rudolf Steiner. Síðan þá hefur Weleda framleitt lyf sem byggja á mannspeki Rudolf Steiner og húðvörur úr lækningajurtum, steinefnum, náttúrulegum jurtaolíum og hreinum ilmkjarnaolíum.

Einstök þekking liggur á bak við húðvörurnar og eru þær gerðar til að hjálpa húðinni að viðhalda sinni náttúrulegu starfsemi, ekki bara á yfirborðinu heldur líka djúpt niðri, með því að sjá henni fyrir vítamínum, steinefnum og mikilvægum fitusýrum.

Á sínum tíma lögðu stofnendur Weleda grunninn að görðum þar sem ræktaðar voru þær jurtir sem notaðar voru við framleiðsluna og var sjálfbærni, lífræn ræktun og mannspeki Rudolf Steiner ávallt höfð að leiðarljósi. Í dag er enn notast við garðana þótt með aukinni framleiðslu sé einnig fengnar vottaðar jurtir frá öðrum ásamt því að styrkja sanngirnisvottuð verkefni.

Þessi hefð og þekking í bland við nútíma vöruþróun er notuð til að ná fram hinum náttúrulegu þáttum í húðvörunum Weleda og til að tryggja hámarksárangur eru allar jurtir og önnur hráefni valin af kostgæfni. Strangt eftirlit er með vörunum og reglulega eru gerðar prufur hvað varðar húðsjúkdóma og klínískar prófanir.

Vörur Weleda eru vottaðar af NaTrue sem náttúrulegar og lífrænar húðvörur. Þær hafa ekki verið prófaðar á dýrum.

Weleda – kona með mikla þekkingu á náttúrunni

Dr. Rudolf Steiner valdi nafnið Weleda til heiðurs hinni ævafornu hefð keltneskra kvenna að nýta lækningajurtir náttúrunnar til að líkna og lækna sjúka. Þessar djúpvitru konur kölluðust Veledur og miðluðu þær af kunnáttu sinni og þekkingu á náttúrunni til hópa fólks sem fetuðu í fótspor þeirra.

Samkvæmt rómverska sagnfræðingnum Tacitus, var síðasta konan sem bar nafnið Veleda læknir og völva sem bjó í Þýskalandi á fyrstu öld e.Kr. Pílagrímar komu til hennar hvaðanæva til að fá bót meina sinna og þiggja ráð af henni.

Eftir það varð nafnið Veleda gert að heiðursnafnbót og notað um sterkan og áhrifamikinn leiðtoga. Í samræmi við þessa gömlu sögn er það Weleda metnaðarmál að lækna og líkna öðrum og nýta til þess vörur sem unnar eru úr náttúrunni.

Saga Weleda sögð í sandi

Undurfagurt að sjá listakonuna Frauke Menger teikna sögu Weleda í sand og tónlist Stefan Benedictzen skemmir ekki fyrir. Njótið!

#frettir

Fréttaveita
Síðustu póstar
Posts Are Coming Soon
Stay tuned...
Samansafn

Bændur í bænum

Laugalækur 6

105 Reykjavík - Ísland

Ef þú ert með spurningu skaltu endilega senda okkur póst, við leggjum okkur fram um að svara eins fljótt og við getum.

  • Facebook Clean
  • Pinterest Clean
  • Instagram Clean

Netfang:

postur@baenduribaenum.is

Opnunartímar:
Mán - Föst: 11-18:15

Lau-Sun: Lokað