Regnbogasalat

Regnbogasalat með brokkólí&smáraspírum, stútfullt af andoxunarefnum. Passar með hverju sem er en getur líka staðið eitt og sér og þá er bætt útí salatið spíraðri prótínblöndu frá Ecospíru. Salatið

• 120 g spínat skorið í tvennt

• 220 g grænkál, stilkurinn skorinn frá og grænkálið skorið í ræmur og nuddað í höndunum með dressingunni

• 1 bolli söxuð steinselja

• ½ bolli saxað kóríander

• 1 bolli gulrætur í strimlum

• 1 bolli gúrka í teningum

• 1 gul paprika, skorin í strimla

• 1 bolli tómatar – kókteiltómatar helmingaðir

• ½ bolli kalamata olívur

• Nokkrir rauðkálsstrimlar, fínskornir með ostaskera.

• 25 gr pekanhnetur, ristaðar

• 50 g brokkólí- og smáraspírur frá Ecospíru

Allt sett í salatskál nema spírurnar sem settar eru yfir salatið eftir salatsósunni.

Salatsósa

• 2 hvítlauksrif

• ½ tsk salt

• 2 msk sítrónusafi

• 1 tsk cumin. malað

• 1 tsk timian

• ½ tsk svartur pipar

• 1 tsk hunang

• 1 msk (30g) möndlumauk

• ½ bolli vatn eða jafnvel örlítið meira.

Allt sett í blandara og dreift yfir salatið. Brokkólí- og smáraspírurnar dreift yfir síðast. Njótið helgarinnar.

Uppskrift fengin frá Ecospíru.

Ljósmynd: Áslaug Snorradóttir.

#uppskrift