Niðursoðnir grænir tómatar

 

Afarvenjulegir Bændur á Akri létu okkur hafa uppskrift að niðursoðnum grænum tómötum. Þessir tómatar eru fínasta meðlæti og fara vel með öllum mat.

 

Að sjóða niður tómata er gamall og góður siður og gefur okkur tækifæri til að njóta góðra ávaxta langt fram eftir vetri. Uppskriftina hafa Bændur aðeins poppað upp og hafa bæði chilí og papríku með, sem er ekki nauðsynlegt... heldur bara gott.

 

 

Hráefni

  • 1kg grænir tómatar

  • 2 stk papríkur

  • 1 stk chilípipar

 

Edikslögur

  • 2 dl hrásykur

  • 2 dl vínedik 5% (eða eplaedik ef þú átt ekki annað til)

  • 3 dl vatn

 

Þvoið allt grænmetið. Gott er að sótthreinsa glösin með því að setja smá vatn í þau og inn í ofn við 100 °C í ca. 20 mínútur.

  1. Stingið í tómatana eða skerið stóra tómata í bita.

  2. Skerið papríkur í strimla eða bita og hreinsið burt fræhirslur. 

  3. Sjóða upp ediklöginn og bætið hráefninu útí. Suðan látin koma upp og soðið við vægan hita í 20 mínútur. 

  4. Sigtið hráefnið og látið í hrein glös, eins mikið og kemst fyrir með góðu móti. 

  5. Hellið heitum ediksleginum síðan yfir og barmfyllið glösin, með því móti fæst lofttæming. 

  6. Lokið skrúfað vel á og sogast það fast þegar lögnin kólnar.

  7. Geymist á svölum stað.

 

Verði ykkur að góðu.

 

 

 

Please reload

Fréttaveita

Vikulegir kassar - Pökkunarlisti v.05

January 31, 2019

1/10
Please reload

Síðustu póstar

April 11, 2017

Please reload

Samansafn
Please reload