Tómatsulta fyrir vandláta
Hér er einföld uppskrift að tómatsultu. Þessi uppskrift er ævagömul og var mikið notuð þegar tómatar voru á tilboði. Bragðið svipar til appelsínumarmelaði.
Innihald
1 kg tómatar
2 stk sítrónur
450 gr hrásykur
Aðferð
Skerið tómatana í bita.
Skerið endana af sítrónunum, raspið börkinn af, takið hvíta innri börkinn í burtu og hendið honum. Skerið sítrónurnar í bita.
Setjið allt í pott og bætið úti hrásykurinn.
Látið suðu koma upp og látið malla í 40 mínútur við lágan hita, en 60 mínútur ef tómatarnir eru mjög þroskaðir*.
Setjið innihaldið í sótthreinsaðar krukkur.
*Ef tómatarnir eru mjög þroskaðir getur verið gott að bæta úti 2-4 græna tómata til að sultan verði þykkri.
