Döðluhrákaka
Hér er uppskrift að einfaldri hráköku sem gott er að eiga í frysti.
Innihaldsefni
500 gr medjool döðlur
2-3 bananar
3-4 dl kókosmjöl, kakan má ekki vera of blaut
2 dl haframjöl
½ dl kakó
2 tsk kanill
1/2 vanillustöng
90 gr kókosolía
Aðferð
Döðlurnar lagðar í bleyti í 10 mín til að mýkja þær. Vatninu er síðan hellt af og döðlurnar settar í matvinnsluvél, líka hægt að nota töfrasprota.
Þurrefnum og olíu bætt úti.
Vanillustöng skorinn í tvennt, skafa fræ úr og setja úti blönduna.
Bananar stappaðir og settir úti síðast.
Setja í sílíkon form, þjappa vel niður og strá yfir kókosflögum.
Frysta.
Nú þarf bara að bíða í nokkrar klukkustundir og laumast svo í frystirinn og fá sér sneið.
